ཚིག་མཛོད་སྒྲིག་སྟེགས་བཀོལ་ཚུལ། (DAB)

སློབ་ཚན་གྱི་སྐོར།

འདི་ནི་ཚིག་མཛོད་མཉེན་ཆས་སྒྲིག་སྟེགས་ཏེ་ Dictinary App Builder (DAB) སྒེའུ་ཁུང་རྟགས་ཅན་གྱི་གློག་ཀླད་ནང་ཕབ་ལེན་དང་འཇུག་སྤྲོད་བྱ་ཚུལ་སྤྱི་དང་། བྱེ་བྲག་ཏུ་ཚིག་མཛོད་སྒྲིག་སྟངས་ཀྱི་ཁྱད་ཆོས་ཚིག་གཤིས། ཚིག་འགྲེལ། དཔེར་བརྗོད། སྐད་གཉིས་ཤན་སྦྱར་བྱེད་སྟངས་སོགས་ངོ་སྤྲོད་བྱས་ཡོད།

དགོས་ངེས་ཀྱི་ཆ་རྐྱེན།

སློབ་ཚན་འདི་ལེན་པ་ལ་བོད་པའི་རྒྱུན་སྤྱོད་སྐད་ཆའི་ཁྲོད་ཀྱི་མིང་ཚིག་དང་ཐ་སྙད་རིགས་གོ་ཐུབ་པ་དང་ཅུང་ཟད་འབྲི་ཡང་ཐུབ་པ་ཞིག་ངེས་པར་ཡིན་དགོས།

སློབ་ཁྲིད་བྱེད་མཁན།

དོན་གྲུབ།

ནོར་གླིང་བོད་ཀྱི་མཐོ་རིམ་སློབ་གཉེར་ཁང་ནས་བོད་ཀྱི་རིག་གནས་རབ་འབྱམས་པ་དང་། བོད་ཡིག་འབྲིང་རིམ་དགེ་རྒན་འོས་སྦྱོང་ཐོན། ལོ་ཤས་རིང་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་སྣེ་ཤན་སྡེ་ཚན་གྱི་འགན་འཛིན་བྱེད་ཞོར་འཛམ་གླིང་ཡུལ་གྲུ་གང་ས་ནས་ཕེབ་པའི་ཡུལ་སྐོར་བ་ཚོར་བོད་ཀྱི་རིག་གནས་དང་ལག་རྩལ་སྐོར་ངོ་སྤྲོད་བྱེད་མཁན་ནང་ཁུལ་གྱི་སྣེ་ཤན་པ་དང་། གཞུང་འབྲེལ་གྱི་སྐུ་མགྲོན་རྣམས་དང་དེ་བཞིན་འབྲེལ་ཡོད་ཀྱི་མི་སྣ་ཁག་མངལ་སྡེ་ནང་ཁུལ་གྱི་གནས་ཆེན་ཁག་ལ་ཡུལ་སྐོར་ལ་འཁྲིད་མཁན་སྣེ་ཤན་པའི་ལས་ཀ་གཅིག་ལྕོགས་བྱས། ༢༠༡༧ ལོ་ནས་བཟུང་ BDRC ནང་བསྟན་དཔེ་ཚོགས་ལྟེ་གནས་ལ་ལས་ཀ་བྱེད་མོས་དང་ཞོར་དུ་བོད་ཡིག་དགེ་རྒན་བྱེད་བཞིན་པ་བཅས་སོ།།

རྒྱུན་ལྡན་གྱི་དྲི་བ་ཁག

དྲ་སྔོགས་མཉེན་ཆས་གང་གི་ནང་བལྟ་ཐུབ་བམ།

ང་ཚོའི་edX སློབ་ཚན་ཁག་ནི་རབ་བྱུང་ན་Chrome, Firefox, Safari བཅས་ཐོན་གསར་ཤོས་ཁག་དང་། ཡང་ན་ Internet Explorer ཐོན་དགུ་པ་བཅས་ཀྱི་ནང་བལྟ་ཐུབ།